قانون قسم الالعاب الجديد (المعدل)

السلام عليكم ورحمة الله وبركاته
اما بعد...
مقدمة:-
انا لقيت ان الموضوع زاد عن حده بلاقى روابط بايظة ومواضيع منقولة ومش منظمة ومفيش صور بس الموضوع المفروض يقف عند حده هى مش سايبة هى مش علشان مفيش مشرف على القسم الكل هيعمل اللى هو عايزه بس خلاص اقسم بالله خلاص انا عدلت على قانون ديدير واضفت حاجات زيادة علشان اى حاجة مخالفة عن القانون هتبقى ليها كلام تانى ومن الان انا المشرف على قسم الالعاب حتى مجيئ مشرف متخصص
والقوانين كالتالى:-
قبل كتابة أي موضوع:-

1.ممنوع منعا باتا وضع روابط ألعاب لمنتديات أخرى والا سيحصل الكاتب على تقييم سلبى مما يؤثر على سمعته (تم التعديل)

2. فى حالة وجود روابط منتهية الصلاحية سوف يحصل الكاتب على تقييم سلبى مما يؤثر على سمعته وسوف يتم مسح الموضوع (تم التعديل)

3.ﻳﺴﻤﺢ وضع روابط للألعاب الأونلاين (أي تلعب بدون تحميل)

4.تم مسح القانون

5.يمنع كتابة موضوع به سب أو شتم أو أي شكل من أشكال الإستفزاز والا سيحصل الكاتب على تقييم سلبى وتقديم شكوى فيه وسيتم مسح الموضوع بعد صدور القرار (تم التعديل)

6.يمنع كليا وضع روابط لمواقع اباحية والا سيحصل الكاتب على تقييم سلبى وتقديم شكوى رسمية فيه ومسح الموضوع لانه يؤثر على سمعة المنتدى (تم التعديل)

7.يمنع على اى موضوع ان يحتوى على طلب لعبة او برنامج لان هناك موضوع مثبت خاص بطلبات الالعاب و برامجها .

8.جميع المواضيع يجب أن تكتب باللغة العربية الا لمن لديه مشاكل في ﺍﻟﻜﻴﺒﻮﺭﺩ
9.جميع المواضيع في المنتدى يجب أن تحتوي على ألعاب لا تتجاوز مساحتها 13 جيجا (تم التعديل)

10.الإدارة ﻭﺍﻟﻤﺸﺮﻓﻴﻦ لديهم ﺍﻟﺤﻖ في حذف أي موضوع دون سابق إنذار

11.يجب ان يكون الموضوع منظم والاسيحصل الكاتب على تقيييم سلبى (بند جديد)

12.تبدأ المواضيع بالسلام عليكم ورحمة الله وبركاته وينتهى بالسلام عليكم ورحمة الله وبركاته علشان تكون فتحة خير .(بند جديد)

13.يمنع ان تتوفر الروابط على صور او مواقع اباحية والا سيحصل الكاتب على تقييم سلبى وتمسح الروابط.(بند جديد)

14. يرجى ان تتم مراجعة الموضوع جيدا لانه لو تم ملاحظة اى ذكر لاسماء منتديات اخرى سوف يعدل الموضوع ونكتفى بحذير الكاتب لمرتين

كل موضوع مخالف للبنود أعلاه سيتم إخفاءه أو حذفه من طرف
مشرفي قسم الألعاب.

قبل كتابة أي رد :-

1.يجب ان لا يخرج الرد عن نطاق الموضوع.

2.يجب ان يكون الرد محفزا ومشجعا لصاحب الموضوع أويمكن اخباره بالروابط المنتهية الصلاحية والاخطاء الكتابية ويمكن وضع الانتقاد المحترم ﻓﻘﻂ.(تم التعديل)

3.يمنع بتاتا وضع ردود الإستهزاء والإستفزاز والا سيتم مسح الرد وعمل تقييم سلبي وان تكرر الموضوع يصعد الي ﺍﻻﺩﺍﺭﺓ(تم التعديل)

4.يمنع بتاتاً وضع روابط مواضيع لمنتديات أخرى غير منتدى الألعابوالاسيتم مسحه.(تم التعديل)

5.يمنع منعاً باتاً وضع صوره قبيحه او غير لائقه ولو كانت من داخل الألعاب والا سيحصل الكاتب على تقييم سلبى ويتم مسح الرد. (تم التعديل)

6.يمنع منعاً بتاتا وضع ايملاتكم في الردود او المواضيع.

7.يمنع تكرار الردود داخل الموضوع من اجل زيادة المشاركات والا سيحصل الكاتب على 2 تقييم سلبى وستحذف كل الردود المتشابهة.(تم التعديل)

8.تمنع كليا الردود القصيرة التي الغرض منها زيادة المشاركات مثل: تمام.مشكوور.شكرا.شكرا جزيلا.شكرا على اللعبة.رائع.جميل.الله ينور.شغل عالى.مجهود رائع.معلم.جيد.جيد جدا.....الخ والاسيتم مسح الرد.(تم التعديل)

*بالنسبة لتثبيت المواضيع , فيعتبر هذا من إختصاص المشرفين وتقييمهم الشخصي
وليس بطلب من صاحب الموضوع


كل موضوع أو رد يخالف البنود أعلاه سيعرض صاحبه إلى عقوبات أقلها منع مؤقت الدخول لمنتدى الألعاب إلى منع نهائي لا رجعة فيه

لا تنسوا التصويت
السلام عليكم ورحمة الله وبركاته

برقابتى يا باشا

جااارى والله وانا بحاول على قد ما اقدر

تمام

شكرا

amro كتب:

ممنوع منعا باتا وضع روابط ألعاب لمنتديات أخرى والا سيحصل الكاتب على تقييم سلبى مما يؤثر على سمعته (تم التعديل)         

طيب افرض مثلا لعبة حجمها كبير...مثلا 4 جيجا ..والعضو مش هيقدر يرفع اللعبة ...اكيد مليون فى المية هيدور على رابط فى منتدى تانى عشان يحط لينك اللعبة..ولما تيجى انت تمنع كدة..يبقى محدش هيحط اى لعبة !

amro كتب:

8.جميع المواضيع يجب أن تكتب باللغة العربية

يجب ؟ ...طيب انا واحد قدامه ال Description بالانجليزى لية تفرض عليا رأيك وتخلينى اكتبه بالعربى ؟
وبعدين لو انا كتبت screenshot بدل الصور هتفرق يعنى ؟؟

amro كتب:

9.جميع المواضيع في المنتدى يجب أن تحتوي على ألعاب لا تتجاوز مساحتها 6جيجا (تم التعديل)

وداة من  اية داة ؟؟
اصلا معظم الالعاب الجامدة بتبقى مساحتها كبيرة !!
يعنى بلاش ننزل max payen 3 بقى ولا far cry 3 ولا  gta v ولا cod ghosts ولا bf4
??

amro كتب:

12.يجب ان يبدأ الموضوع بالسلام عليكم ورحمة الله وبركاته وينتهى بالسلام عليكم ورحمة الله وبركاته علشان تكون فتحة خير .(بند جديد)

هههههههههههههههههههههههه...ماهو مكتوب فوق السلام عليكم ورحمة الله وبركاته مدمجة مع الموضوع ..هتكتبها تانى لية ؟؟

amro كتب:

7.يمنع تكرار الردود داخل الموضوع من اجل زيادة المشاركات والا سيحصل الكاتب على 2 تقييم سلبى وستحذف كل الردود المتشابهة.(تم التعديل) 

هتجيبهم منين الاتنين ؟ ....هتقول لواحد صاحبك تعالى يامعلم نقيم الواد داة سالب عشان عمل رد زيادة ؟
كلام غير منطقى يعنى

amro كتب:

تمنع كليا الردود القصيرة التي الغرض منها زيادة المشاركات مثل: تمام.مشكوور.شكرا.شكرا جزيلا.شكرا على اللعبة.رائع.جميل.الله ينور.شغل عالى.مجهود رائع.معلم.جيد.جيد جدا.....الخ والاسيتم مسح الرد.(تم التعديل)

 

تمنع كليا ..وسيتم مسح الرد :O
ههههههههههههههههههههههههههههههه
قول والمصحف ؟
انت هتتدخل فى تعليقات الناس كمان ؟؟...يعنى انا دايما بقول الله ينور بس..
المطلوب منى دلوقتى...انى افضل اقول...ألله ينور عليك انت فشيخ انت جامد موضوع تحفة ...تقصد كدة يعنى ؟؟

هههههههههههههههههههههههههههههههههههههههههههههههههههههههههههه
والله ضحكتني ياحزوووووووووووووووم

بص يا عم الحج الموضوع شكله هيطول
استعنا على الشقى بالله
اولا:-

eng.hazoom كتب:

amro كتب:

ممنوع منعا باتا وضع روابط ألعاب لمنتديات أخرى والا سيحصل الكاتب على تقييم سلبى مما يؤثر على سمعته (تم التعديل)

طيب افرض مثلا لعبة حجمها كبير...مثلا 4 جيجا ..والعضو مش هيقدر يرفع اللعبة ...اكيد مليون فى المية هيدور على رابط فى منتدى تانى عشان يحط لينك اللعبة..ولما تيجى انت تمنع كدة..يبقى محدش هيحط اى لعبة !

طب افرض لو واحد زائر عادى خالص جه علشان عندنا لعبة مميزة واللعبة دى حجمها مثلا 3 جيجا وفتح الرابط ووجد الرابط من منتدى تانى هيكون شعوره ايه طبعا هيقول ان اللى فى المنتدى ده مش شغالين وقاعدين مبرطعين على الفاضى

ثانيا:-

eng.hazoom كتب:

amro كتب:

9.جميع المواضيع في المنتدى يجب أن تحتوي على ألعاب لا تتجاوز مساحتها 6جيجا (تم التعديل)

وداة من اية داة ؟؟
اصلا معظم الالعاب الجامدة بتبقى مساحتها كبيرة !!
يعنى بلاش ننزل max payen 3 بقى ولا far cry 3 ولا gta v ولا cod ghosts ولا bf4
??

اصلا اقصى حجم لعبة فى المنتدى 6 جيجا جبت انا الحد الاقصى مش هبل هو

eng.hazoom كتب:

amro كتب:

12.يجب ان يبدأ الموضوع بالسلام عليكم ورحمة الله وبركاته وينتهى بالسلام عليكم ورحمة الله وبركاته علشان تكون فتحة خير .(بند جديد)

هههههههههههههههههههههههه...ماهو مكتوب فوق السلام عليكم ورحمة الله وبركاته مدمجة مع الموضوع ..هتكتبها تانى لية ؟؟

ده مش اجبار انا مقولتش يجب

eng.hazoom كتب:

amro كتب:

7.يمنع تكرار الردود داخل الموضوع من اجل زيادة المشاركات والا سيحصل الكاتب على 2 تقييم سلبى وستحذف كل الردود المتشابهة.(تم التعديل)

هتجيبهم منين الاتنين ؟ ....هتقول لواحد صاحبك تعالى يامعلم نقيم الواد داة سالب عشان عمل رد زيادة ؟
كلام غير منطقى يعنى

يعنى اعمل ايه اديلوا بوسة واغنيلوا حالوا يا حالوا

eng.hazoom كتب:

amro كتب:

تمنع كليا الردود القصيرة التي الغرض منها زيادة المشاركات مثل: تمام.مشكوور.شكرا.شكرا جزيلا.شكرا على اللعبة.رائع.جميل.الله ينور.شغل عالى.مجهود رائع.معلم.جيد.جيد جدا.....الخ والاسيتم مسح الرد.(تم التعديل)

تمنع كليا ..وسيتم مسح الرد :O
ههههههههههههههههههههههههههههههه
قول والمصحف ؟
انت هتتدخل فى تعليقات الناس كمان ؟؟...يعنى انا دايما بقول الله ينور بس..
المطلوب منى دلوقتى...انى افضل اقول...ألله ينور عليك انت فشيخ انت جامد موضوع تحفة ...تقصد كدة يعنى ؟؟

ملاحظة صغيرة انت المفروض بتدخل الموضوع تقراه وتعجب بيه او تكره مش علشان تعمل رد وخلاص

تم تعديل القانون
المادة 3،8،9،10 في قانون اﻟﻤﻮﺍﺿﻴﻊ
تم تعديل القانون
المادة 2،3 في قانون الرد
انتهي...