ثلاثة قتلى واصابة العشرات فى اشتباكات بين الباعة الجائلين والاهالى بالمقطم وحريق السوق بالكامل

19
ديسمبر
2011
10:41 PM

أخبار مصر- التلفيزيون المصرى - أمل شحاته

وقعت اشتباكات بين باعة الخضار والفاكهة وبين السكان فى سوق المقطم مساء الاثنين بعد محاولةهؤلاء الباعة الاستيلاء علي الشوارع المحيطة بالسوق وعمل امتداد له بالمنطقة الخلفية والتي تقع بها عدة مدارس الامر الذي دفع سكان المنطقة بمحاولة منعهم من ذلك فوقعت مشادات تطورات الي اشتباكات وتبادل الطرفين الضرب واطلاق رصاص كثيف من اسلحة رشاشة واسلحة آليه والقذف بزجاجات المولوتوف مما ادي الي اشتعال حريق فى السوق بالكامل وثلاثة قتلى واصابة العشرات وذلك حسب كلام شاهدعيان من سكان المقطم.
وقد اصابت هذه الاشتباكات المنطقة بحالة من الذعر وهرعت سيارات الاطفاء في محاولة الدخول الي المنطقة لاطفاء الحريق الا انها تراجعت بعد التهديد بتدميرها وتحاول قوات الامن السيطرة علي الموقف هناك .



طبعا يا رجالة الكلام اللى بيقولوا التلفيزيون المصرى داة صحيح بس مش عارف مصغريين الموضوع كدة ليه دية مش مجرد اشتباكات دية مطحنة بمعنى الكلمة لانى انا بيتى يبعد مسافة شارع واحد عن الاحداث وانا واحد من الناس كنت سامع ضرب النار وانا قاعد فى بيتى وشايف الناس المصاية


وبيضحكوا ع الناس وبيقولوا هرعت سيارات الاطفاء وتحاول قوات الامن السيطرة على الموقف


والله ولا فى شرطة ولا جيش ولا اسعاف ولا اطفاء

فراغ امنى رهيب

محسسنى ان انا قاعد فى ميدل حسبى الله ونعم الوكيل

هههههههه

ثورة بلا قائد ... اتهام مندسين من الخارج للجيش المصرى ... عيال عايزة تعيش دور النضال

الشرطة لو اتدخلت وقتلت اى حد هيقولوا عليهم بلطجية ... ولو الجيش اتدخل واتعامل مع الاجرام ده هيقولوا عليهم كلاب المشير

تبا لهم جميعا ... ولمن يسمون نفسهم ثوار .. ده الحيوان اللى ربنا خلقوا باسم ( ثور ) احسن منهم

ان الثائر الحق هو الذى يثور ليهدم الفساد ... ثم يهدأ ليبنى الامجاد

وعلى فكرة احنا عندنا برده كل واحد خدله حتة ارض ولا محل بدون وجه حق

دول الانجليز احتلونا 50 سنة واحنا كنا بنتعامل معاهم بعقل اكتر من كده عشان العقل هو الاساس

اللى بيحصل ده اسمه ( عقدة نقص )

max كتب:

هههههههه

ثورة بلا قائد ... اتهام مندسين من الخارج للجيش المصرى ... عيال عايزة تعيش دور النضال

الشرطة لو اتدخلت وقتلت اى حد هيقولوا عليهم بلطجية ... ولو الجيش اتدخل واتعامل مع الاجرام ده هيقولوا عليهم كلاب المشير

تبا لهم جميعا ... ولمن يسمون نفسهم ثوار .. ده الحيوان اللى ربنا خلقوا باسم ( ثور ) احسن منهم

ان الثائر الحق هو الذى يثور ليهدم الفساد ... ثم يهدأ ليبنى الامجاد

وعلى فكرة احنا عندنا برده كل واحد خدله حتة ارض ولا محل بدون وجه حق

دول الانجليز احتلونا 50 سنة واحنا كنا بنتعامل معاهم بعقل اكتر من كده عشان العقل هو الاساس

اللى بيحصل ده اسمه ( عقدة نقص )

برافو عليك داة الكلام اللى انا عايز اقولة من زمان بس ساكت فعلا عندك حق

عاملين زى جحا وابوة

راكبين هما اللى اتنين ع الحمار الناس شافتهم قالوا ياة شوف الناس المفترية هما الاتنين راكبين ع الحمار !!

نزل جحا وابوة ركب الناس شافتهم قالوا ياة شوف الراجل المفترى راكب ع الحمار وسايب ابنه بيمشى

نزل ابوة وركب جحا الناس شافتهم قالوا ياة شوف جحا المفترى راكب ع الحمار وسايب ابوة بيمشى


احنا عاملين زيهم بالظبط

لو الشرطة اتدخلت او الجيش هيقولوا ناس مفترية
ولو محدش اتدخل هيقولوا فراغ امنى والبلد بايظة


طيب اية الحل ؟؟؟؟


نسيب بلطجية الثوار يدمروا المجمع العلمى وتدمير كتب لا تقدر بثمن داة من ضمن الكتب اللى كانت موجودة كتاب من سنة 1800 ميلاديا يعنى بقالة قرون ويجى واحد بلطجى ملهوش لازمة عندة نقص زى مابتقول يحرق الكتب ومن ضمن الحاجات اللى هناك بردو خريطة لاثبات احقية مصر فى ايلات وفى كتاب لتاريخ مصر اتجمع عشان يكتبوه بس 150 مؤرج وعالم تاريخ والكتاب النسخة الاصلية منه لا تقل عن 150 مليون جنية يجى واحد بلطجى يحرقوا


قولى بالله عليك اللى بيحرق المجمع وبعد كدة بيرقص داة ثأئر داة








والجيش اللى عملوا دلوقتى صح جدا واحد جاى يحرقلك المبانى وجاى يكسر

عايز الجيش يعمل اية لازم يضربهم ويحرقهم بجاز وسخ كمان امال هيقف يتفرج ؟؟؟

والناس لما الجيش يرد تقولك انتهاكات وتفضل تولع زى اللى اسمها اسماء محفوظ
دية انتى اساسا قبل ما تشتمى فى المشير الاول لازم تعرفى انك قبل ما تتطلعى من البيضة كان المشير قائد المشاة فى حرب اكتوبر ومن ابطالها