عاد ليكتب من جديد.......اقتراح للوصول للعالمية ادخل قول رأيك

طبعا كلنا عايزيين المنتدى يتشهر ويوصل للعالمية وكان حلم زيزو الاول ان المنتدى يوصل لجميع انحاء العالم ونلاقى ناس بتلعب معانا من اوروبا وكدة

ولكن بعد مرور سنتين....اة صحيح افضل موقع بيس6 فى الشرق الاوسط ولكن يبقى حلم زيزو للوصول للعالمية مجرد حلم !





فى الاول قابلتنا عقبات ادام الحلم داة

1_المنتدى لسة جديد ونستنى لما الاعضاء يكتروا


*ودلوقتى بقينا 8230 عضو



2_طيب نستنى لما عدد المساهمات تكتر والمنتدى يكبر

*دلوقتى عدد المساهمات 65439


3_نستنى لما نجيب ناس ليها فى التصميم وعندها افكار

*عندنا مبدعين


4_طيب يكون فى حد ليه قدرة للتحدث اللغات الاجنبية

*موجودين بردو زى فاكرول وماكس مثلا


5_ياعم دية لعبة قديمة اصلا ومحدش هيلعبها بعد كدة

*وجهة نظر اثبتت فشلها ويوم بعد يوم تزداد شعبية اللعبة ويزداد عدد اللاعبيين








هتقولى يعنى تميز ووصلناله...دعاية وعملناها.....اية بقى المشكلة؟؟؟


هقولك ببسطاطة..دلوقتى فعلا المنتدى منتشر ومعروف والدعايا كتير والهجمات متواصلة ....بس للأسف مفيش لاعب اجنبى واحد


طيب لية كدة ياحزوووم ؟؟؟


هقولك ببساطة لانك مثلا بعد الدعايا دية والهجمات دية يجى العضو الاجنبى يدخل المنتدى وأول مايفتحه مش فاهم حاجة فيقوم خارج !!


هتقولى طيب والحل اية


هقولك..نعمل قسم ليهم باللغة الانجليزية

هيكون اسمه مثلا

the Department of foreign players


طيب عملنا القسم بس فى مشكلة ان المنتدى عربى وكمان عربى باللغة العامية يعنى مثلا ازاى هيفهم بقى  المنتدى عموما والمناقشات وازاى هيشترك فى البطولات


هقولك بسيطة

اولا كبداية احنا مش هنحتاج اقسام المنتدى العام فى حاجة احنا عايزيين اهم حاجة يلعبوا بطولات
والبطولات عبارة عن اية

(التسجيل + مناقشات + نتايج + تنصيف + لجنة اعلامية+شؤون لاعبين)






1_التسجيل

اولا قبل أى حاجة هيبقى فيه مشرف ع القسم داة هيتعامل معاهم وهنعرف اية فايدته دلوقتى...بالنسبة للتسجيل تزامنا مع اعلان البطولة فى المنتدى هيكون فى موضوع فى القسم عن البطولات المتاحة ويجى المشرف وقت البطولة يقول فى بطولة فى المنتدى اسمها pes6stars league وللتسجل..أملا البيانات دية (........,,..your name_your speed ) وحطها فى الموضوع داة (ويديله رابط موضوع التسجيل الاصلى )



هتقولى طيب سجلنا ازاى بقى هيكلم الناس واية نظام المناقشات.؟


بالنسبة للمناقشات هيبقى عادى جدا بحيث الناس هتبقى عارفة ان داة اجنبى وهتتفق معاه بالانجليزى عادى(let,s play at 3 ).....وطبعا المشرف بتاع الاجانب هيبقى عامل موضوع بيحط فيه روابط المناقشات
والقرعة...وطبعا المشرف هيبقى معرف الناس مدة المناقشات وكدة


ونفس الكلام للناتيج المشرف يعمل موضوع ويحط فيه روابط لنتايج المبارايات ويبقى مفهمهم انهم يحطوا النتايج هنا


ونفس الكلام فى التصنيف موضوع ويبقى مفهم الناس اية التصنيف داة

طيب لاقدر الله مثلا فى مشكله معاه حد بيعمل لاج مثلا او شتمه,,,,بردو هيبقى فى موضوع عن لجنة شؤون اللاعبين وعلى سبيل المثال هيتكتب فيه كدة



  if u faced any problem when u play such as someone make lag or Insult u , u can make a Complaint in player Affairs Committee


ويديله رابط اللجنة ويفهمه ازاى يعمل موضوع ويكون مترجمله اللوائح


بالنسبة للجنة الاعلامية...لو مؤتمر او كدة المشرف هيعمل حوار معاه ويبعت الكلام للجنة الاعلامية..(ممكن نهمل الحتة دية كبداية ولغاية لما القسم يكبر )





هتقولى تمام اشطة بس انا من خلال كلام لقيت كذا مشكلة:


اولا..دلوقتى انت عملتلهم قسم لوحدهم وعلمتهم ازاى يلعبوا بطولات..نيجى ع الاقسام التانية اية نظامها..هتخنقهم يعنى ؟

هقولك ..احنا الاقسام التانية زى اللاخبار والكافية والحاجات دية هنبقى معرفنهم داة اية وداة اية يعنى مش هنسبهم كدة...+لما القسم يكبر هما هيتعاملوا مع بعض وبعد كدة يعملوا مواضيع عامة مع نفسهم


طيب وبالنسبة للمسافة والبعد وكدة؟

هقولك دية مش مشكلة لان ياما لعبنا مع اجانب من غير لاج +متنساش ان برة سرعات عالية مش زينا


طيب مش ملاحظ ياحزززوم ان داة صعب يتعمل وانك كدة بتعمل منتدى تانى جوة المنتدى

هقولك لا انت كل اللى هتعمله عبارة عن كام موضوع فى قسم وخلاص


طيب افرض مثلا المشرف غاب الناس هتلبس يعنى ؟؟


هقولك انا سعيد بالسؤال داة...اولا هيبقى فى اكتر من مشرف وعندك الادارة بردو+متناش لما الموضوع يتكرر هما هيفهموا لوحدهم وهيبقى الموضوع سهل يعنى


طيب وبالنسبة للغة؟؟


هقولك مش مشكلة دية اى حد فينا بيتكلم عادى وعندك ياسيدى ترجمة جوجول اوى اى برنامج ترجمة مش حوار يعنى

هتقولى يعنى هما هيسيبوا كل المنتديات ويجوا عندنا يعنى؟؟


هقولك فين اصلا المنتديات دية..اعمل سيرش على جوجل كدة مش هتلاقى غير كام منتدى صغير كمان+متنساش ان الانسان بطبيعته بيحث عن الجديد يعنى زى ماحنا نفسنا نلعب مع اجانب هما العكس بردو


طيب بص هو احنا هنعمل دعايا للقسم بس انا حاسس ان احنا هنفشل ياحزوووم ومتسألنيش ليه


هقولك يص  هو فى حكمة قديمة بتقول...لو عايز تحقق حلمك قوم من نومك..يعنى اسعى وانشط واتحرك..يعنى احنا هنعمل القسم ويعد كدة نشطبه بالمواضيع وبعد كدة الدعايا وبعد كدة واحد هيجيب التانى التالت وهكذا,ولو داة حصل المنتدى هينهش نهضة غير طبيبعة والكل لما يعرف ان عندنا اجانب هيجروا علينا,,وياسيدى لو منفعش والمشروع فشل امسح القسم ويكفيك شرف تحقيق الحلم





thank u

HeRo كتب:

كلامك 100/100

واى موضوع من
ارشاد العضو الجديد
ولائحة شئون اللاعبين
تنزل منها انجليزى زى ما فى عربى

ونعمل فريق اسمو
فريق ترجمة المنتدى
يشتغل على الحاجات دى
ونعملها بالفرنساوى
لان المغرب العربى لة خبرة فى الفرنساوى

والانجليزى ايضا

ونشوف اى ناس تعرف الالمانية والاسبانية

وكدة المنتدى هينتقل للعالمية

انا قولت بالفعل ان احنا هنترجم الشؤون وبالنسبة للغات هنلتزم بالانجليزى الاول عشان الموضوع ميبقاش صعب علينا وبعد كدة لو القسم كبر ربنا يسهل

فكرة حلوة بس التنفيذ هيكون صعب بس اهم الحاجة هو الاستيقاط من النوم ^^

اه والله معاك حق والحمد لله اعتقد كل الناس هنا بتفهم شويه فى الانجليزى


والموضوع ده هينقل المنتدى نقله كبيره

معاك حق
بس ياريت الادراه توافق

تم حفظ الموضوع

وجـاري تنفيذ المشروع مع حفظ حق الفكرة للمبدع حزومـ

+ طموحاتكمـ عالية اوي ياشباب بحماسكم دهـ نقدر نخلي المنتدي االاول ع االعالمـ في مجالهـ


إستمروا فبكمـ ننهض










ولا بلاش ننهض دي