تعطيل سير البطولة

ارجو من الادارة واللجنه

فرض العوقبات التالية على كلا من (hero123- kimoz)

بسبب تعطيل سير بطولة الكلاسكو وعدم

اكمال مباراتهم لحسم من يكون الاول فى المجموعه الثانية

لمواجهةmomenpop فى النهائى

والانتهاء من البطولة
::p6s::

تقدمـ الشكوي أولا للجنة شؤون اللاعبين قبل تقديمها للادارة واذا ارادت اللجنة ان تتدخل الادارة يتمـ تحويل الشكوي الي الادارة من قبل لجنة شؤون اللاعبين

وبما ان احد اعضاء اللجنة طرفا في الشكوي

يتمـ الحكمـ في الشكوي من رئيس اللجنة

بعد معاينة نتائج الجولة الاخيرة :

هيرو بيقول ان فى شهود على المباراة منهم زيزو الجن ... ياريت يا زيزو توضحلنا ايه الموضوع لان كلام الطرفين فى النتائج فيه نقطة مبهمة و غير واضحة

زائر

بس ملحوظة

تفرق اية متش انا و كيموز

بين متش انا وكارا
او اى متش بالبطولة اتحسب بالمناقشات
؟؟؟؟؟

و زيزو شاهد
ان زيزو اقترح ان احنا ندخل نكمل ويبقى نقدم الهدف للجنة
وكيموز رفض ندخل نكمل
ومشى من الشات

كنت موجود بالفعل ساعة المباراة

وهيرو خرج عشان دخل فيه جول باللاج ومعاه الفيديو هو فيه شك لكنه خرج

فالمهم قلت لهم تكملوا المتش والوقت المتبقي من المباراة وبعد ماتخلصوا قدموا شكوي بالهدف المشكوك فيه واللجنة تحكم انه يتحب اولا فهيرو قال اوكيه وكيموز رفض مش عارف ليه !!

طيب ياريت يا هيرو ترفع الفيديو بتاع الهدف دا

زائر

انا هوريك الهدف
بس كدة يعتبر انسحاب اصلا

[ندعوك للتسجيل في المنتدى أو التعريف بنفسك لمعاينة هذا الرابط]

لو شفت الهدف شوف حركة اللاعب بتاعة اول ما اتلعب الفاول وحركة لعيبتى
دة لاج تاخير التحكم وواضح جدا من الفيديو

زائر

هو رفض الاستكمال كما وضح زيزو
لذلك كتبت انسحاب لصالحى

تمام ... انا هتكلم فى الموضوع نقطة نقطة :

1- كلنا عارفين ان الفترة الاخيرة كان حصل خلافات بين هيرو و كيموز و تقريبا بعد الخلافات دى لقيناهم بيتقابلوا فكل بطولة و كل مرة لازم يحصل احتكاك بينهم و مفيش مرة مباراة بتخرج بروح رياضية 100% زى ماهو معهود من لاعبى بيس6ستارز . ايا كان مين اللى غلطان او بدأ الغلط لكن الطرفين بيستنوا لبعض الغلطة و طبعا دا واضح بشكل كبير فى الماتش الاخير .

2- بالنسبة للهدف هو فعلا فى تأخر فى الكونترول و هيرو موقفه صحيح قانونيا , و كيموز موقفه صحيح برضو لان القانون بيقول لو فى لاج الطرف المتضرر يخرج و يطلب تحديد معاد اخر ميكنش فيه لاج فى الماتش . و بصراحة انا لو مكان كيموز مش هكمل الماتش لانى مينفعش اكمل مباراة و العب و انا مش عارف هل انا كدا متقدم و لا الماتش تعادل فهفقد تركيزى فى الماتش , ثم ازاى هتكملوا الماتش و اصلا هيرو عانى من اللاج فالشوط الاول ؟!

لذلك قرارى هو اعادة المباراة فى فترة اقصاها 48 سااعة غير قابلة للتاجيل او المد مرة اخرى .

و فى نقطة اخيرة احب اتكلم فيها وهى موجهه للطرفين .. الخلاف اللى بينكم دا مالوش اى لازمة لان لو بصينا للموضوع ككل هتلاقوا انكم مختلفيين مع بعض بسبب لعبة بنسلى نفسنا بيها و كلها كام شهر ولا كام سنة ( الله اعلم ) و كل واحد فينا هينشغل بحياته و يسيب مكانه لغيره , فياريت كل واحد يحاول يسيب بصمة حلوة فحقه الناس تفتكره بيها .... و اى حد بينضم لبيس6ستارز اول حاجة بتشده للمنتدى هى الروح الرياضية العالية اللى بين اللاعبين فيارييت يا رجالة ننسى كل اللى فات ايا كااان ايه اللى حصل و نبدأ صفحة جديدة تليق بالمنتدى و بالناس اللى فيه .

مش عايز حد يزعل من كلامى لكن انتم الاتنين اخواتى هيرو اخويا الصغير و كيموز اخويا الكبير و المنتدى دا هو اللى جمعنا يارييت يا شباب يكون دا اخر خلاف بينكم .

و زى ما الرسول صلى الله عليه و سلم قال :"لا يحل لمسلم أن يهجر أخاه فوق ثلاث ، يلتقيان : فيصد هذا ويصد هذا ، وخيرهما الذي يبدأ بالسلام " صدق رسول الله .

القرار لا رجعة فيه و ياريت اللجنة المنظمة تمنح الطرفين فرصة 48 ساعة فقط ا غير ابتداء من 12 صباح يوم الاربعاء ... و هسيب الموضوع مفتووح كمبادرة منى و لن اقبل باضافة اى رد الا لو كان لانهاء حالة الاحتقان بين الطرفين .

[ندعوك للتسجيل في المنتدى أو التعريف بنفسك لمعاينة هذا الرابط]

::p6s::

» سجل الان فى بطولة ACTIVE GOLAS النسخة الأولى
» البطولة الروشة ......
» إنسحاب من البطولة
» البطولة المنتظرة
» أكد الان اشتراكك كأساسى فى بطولة Top Ten ( النسخة الثالثة عشر)