استئناف في التسجيل في الدوري

السلام عليكم

انا عملت موضوع استئناف علشان محدش يفكر اني بستخدم صلاحياتي في الرد علي المواضيع المغلقه داخل القسم

دلوقتي ابن النيل اغلق الموضوع ليه مع احترامي ليه ده مش تخصصه المفترض حد من اللجنة او الاداره لانهم هما المخولين بوضع القرار النهائي

ثاني حاجه الموضوع مكنش فيه اي تنبيه يخص ان وقت التسجيل سيكون لمده ساعتين فقط يعني مافيش بند بيقول كده في نظام التسجيل
او في لائحه شئون اللاعبين يعني كده برضو مافيش مبدء تكافئ الفرص للجميع في التسجيل

ثالث حاجه موضوع التسجيل برضو مقعدش ساعتين زي ما اللجنة المنظمه قالت موضوع التسجيل اخذ بالظبط ساعه و32 دقيقه

موضوع: رد: سجل الآن في دوري بيس6ستارز النسخه الخامسة أمس في 0:00
وضوع: رد: سجل الآن في دوري بيس6ستارز النسخه الخامسة أمس في 1:32

يعني فيه ظلم اصلا وعدم العدل في موضوع التسجيل مداش حد فرصته في التسجيل

رابع حاجه بقي احنا سجلنا في الدوري اللي اتلغي وكنا بنثبت حضور وكنا بنلعب ومشكلة الالغاء دي مش مشكلتنا
دي كانت مشكلة اللجنة التنظيميه يعني انا ليا الاولويه اني العب في الدوري

ياريت الرد يكون بحياديه وموضعيه علشان بالطريقه دي فيه اقصاء كبير من جانب اللجنة المنظمه ومش ده اللي اتعودنا عليه هنا

بصراحة ساعتين عشان التسجيل في الدوري مش كفايه اقول حاجه يوم

زائر

رد اللجنة المنظمة ك الاتى
نقطة رقم واحد : لا دخل لنا فيها
نقطة رقم 2 : مفيش تنبية ان وقت التسجيل ساعتين لكن اللى سجلوا 26 واحد وقولنا تركنا فترة زمنية بعد اخر مشترك وبعد كدة بدانا نحسب المشاركين
نقطة رقم 3 : الموضوع قعد ساعتين بالفعل لكن انت رايت اخر مساهمة وبعد كدة تركنا الموضوع مفتوح وجدنا مفيش تسجيلات اضافية بعد فترة من الزمن
نقطة رقم 4 : اللجنة المنظمة قدرت هذا من المشاركين السابقين بالدورى الملغى وتم تقديرة من قبل اللجنة باعطاء نقاط لكل مشترك
اما البند الاخر التى حددتة اللجنة فهو من اختصاص اللجنة المنظمة التى لم تقرة
نقطة رقم 5 : اولا سطر الاخير دة تشكيك واضح فى حيادية اللجنة
بالرغم من ان هناك احد اعضاء مجلس الادارة اخطا وتدخل فى خصوصيات اللجنة المنظمة الا اننا لم نعاقبة بالطرد من الدورى رغم المشكلة التى احدثها
وتم وضعة فى قائمة المسجلين لكنة طلب الانسحاب بنفسة وليست اللجنة التى طردتة من البطولة
اللجنة المنظمة فقط تسير ب مبدا الحيادية و تكافو الفرص ولذلك نحدد معادا لفتح التسجيل لتكون الفرص متساوية للتسجيل بالدورى

اتفق معك ياهيرو بس ياريت بعد كده اللجنة تعلن المدة اللي هيتم التسجيل فيها
وياريت يكون في دوري الدرجة التانية الموسم المقبل
بس بصراحة Kimoz يستحق انو يكون في الدوري عشان كان بيشارك في الدوري الملغي بستمرار

اسف للتدخل لكن احب اقول رأيى :

1- فعلا اللجنة المنظمة ليها الحق فى احتساب الوقت المناسب لفتح وقفل باب التسجيل لكن مواضح ان فى ناس اول مرة تشاارك معانا فى بطولة رسمية زى جاتوزو و كانون ( كان اول واحد فى الاحتياط و تم ضمه ) و زى ما اللجنة قالت ان الاختيار بيكون حسب الاقدمية فكان من الاولى ترك الباب مفتوح لحد ما الناس تدخل و تسجل .

2- تانى نقطة بتاعة العقوبة انا كنت متوقع انك تقصينى من التسجيل فعلا لكن اتفاجئت انك ضمتنى !! الله اعلم ايه السبب لكن انا فعلا اللى طلبت الانسحاب بس كنت اتمنى انها تيجى من المنظم برضو لاثباات ان اللجنة قراراتهم فعلا مستقلة مش مجرد كلام . و انا ماحدثتش مشكلة ولا حاجة انا ارتكبت خطأ و اعتذرت للاعضاء و تقبلوا اعتذارى و كانوا عايزينى اشترك لكنى رفضت و اتمنالهم التوفيق

3- بالنسبة للبيان بتاع لجنة شئون اللاعبين .. انا اصدرت البيان دا و كان مفيش حد من اللجنة المنظمة موجود غير كارا و زوهير و كانوا ناس جداد لسة و قالولى اصدر بيان بالغاء الدورى بسبب ظروف معينة ذكروها وقتها . فمكنش فى مجال ان اللجنة توافق او ترفض .

لكن عموما لتطبيق مبدأ استقلالية اللجنة المنظمة فالقرار النهائى راجع اليها وحدها دون تدخل من اى جانب و زى ما زيزو قال الموضوع مترووك للجنة المنظمة ليها القرار الاول و الاخير .. انا بس كنت بابدى رأيى كلاعب فى المنتدى مش اكتر و جاهز لاى عقوبة للتدخل فى الشكوى و ممكن يكون ردى دليل فعلا على استقلالية اللجنة المنظمة انى بتكلم زيى زى اى عضو و بقول رأيى لكن منغير ماضغط عاللجنة و اقولها تنفذ حاجة لان زى ماقلت القرار النهائى ليها

تمام بخصوص ان مافيش تنبيه لوقت التسجيل ليه تم تحديد مده زمنيه لمده ساعتين وليه مكانتش لمده 3 ساعات او 4 ساعات

اما بخصوص اخر مساهمه فهي دي اللي اتقفل بعدها الموضوع مباشرة والدليل انك حددت الـ 16 لاعب الاساسين والباقي كأحتياطي
يعني لو لسه فيه ناس هتسجل كنت انت هتعمل احصائيه بالتسجيل فقط وتترك الموضوع للاستكمال يعني الموضوع مقعدش ساعتين

اما بخصوص المكافأت فده كان تقدير من اللجنة وليس تعويض حيث النقاط لن تغنيني عن اللعب والمشاركه في البطوله اضافه الي ان اصلا
بيان اللجنة كان باضافة 100 نقطة لكل لاعب و ان اللاعبين المذكورين سيكون لهم الاولوية فى التسجيل فى بطولة الدورى القاادمة باذن الله

انا مبشككش في حياديه اللجنة انا بقول ان الناس اللي اشتركت وتفاعلت مالهاش ذنب انها تفقد اللعب في البطوله بسبب اخطاء اعضاء اخريين
وايضا مكانش ليهم الفرصه كامله في التسجيل بأعتبار ان مده التسجيل كانت ضيقه جدا وكان لدي ظروف منعتني من التواجد

اما بخصوص اخطاء مجلس الاداره فدي حاجه يتحاسب عليها الشخص المخطئ وكون ان اللجنة المنظمه اعطت الفرصه له فدي
حاجه ترجعلها ولا تمت لأستئنافي بصله

اتمني النظر في الموضوع بشكل موضوعي

زائر

طيب اولا احنا مش فى صراع

ثانيا يا فالين طبعا كنت هتتعاقب لكن ليس بالاقصاء بل بالتدخل فى عمل الغير وانت مش اول فى قبلك عضو مجلس ادارة سابق فعل نفس الفعل لذلك تم اضافتك للقائمة

ثالثا
هناك موضوع للتسجيل ب معاد للتسجيل وهو الساعة 12
سجل 26 لاعب يعنى 16 لاعب و 10 احتياط كان كافيا ل غلق باب التسجيل
الكل واحد امام اللجنة ب تحديد معاد للتسجيل الا اذا كان هناك مقاعد محجوزة واللاعب ياتى فى اى وقت و يسجل اذا ما فائدة وقت التسجيل
وقرارى قرار نهائى لتنفيذ العدل لان هناك من كان ينتظر معاد التسجيل ب فارغ الصبر و سجل فية من الظلم ان نخرجة ب مجرد ان لاعبان كبيران من كبار المنتدى يريدان التسجيل مستغلين قرار لجنة شئون اللاعبين

طبعا كان من حق اللجنة معاقبتى و دا يرجع برضو لمبدأ استقلالية لجنة المنظمة لكن انسحابى يعكس حسن نيتى و ان ماستخدمتش ولاهستخدم سلطاتى و الحمد لله دا شئ الاعضاء يشهدوا بيه قبلى و ماليش دعوة بالقايمة بتاعتك الى بتقول عليها دى

فى نقطة تانية احب اتكلم عنها بصفتى عضو فى المنتدى و صاحب بيان العقوبات .. قرار اللجنة تم تطبيقه بالفعل لان المذكورين تم ادراجهم فى جدول البطولة رغم ان فى منهم ناس سجلوا متأخر اللجنة المنظمة طبقته بمبدأ الحفاظ على البطولة زى ما لجنة شئون اللاعبين اصدرته بمبدأ الحفاظ على البطولة و قيمتها .

فانا شايف ان الاختلاف بين اللجنة المنظمة و الاعضاء بخصووص مدة فتح باب التسجيل فقط لان قرار لجنة شئون اللاعبين تم تطبيقه بالفعل و القرار الخاص بموضوع التسجيل يرجع للجنة المنظمة هى اللى تحكم فيه ... ردى دا عشان بس تحصر الموضوع فى نقطة واحدة منتكلمش كلام كتير خارج الموضوع الاساسى .

-------------------------------------------------------------------------------------------

بصفتى مدير بقى عايزين حد من لجنة شئون اللاعبين يمسك الاستئناف و يكون متابعه عشان يطبق العقوبات على اللى اتدخلوا فى الموضوع و يقفل الموضوع لما يلاقى ان فى قرار نهائى من اللجنة المختصة , لان الموضوع كدا مش هيتقفل و هنلاقى كل شوية ناس بتتدخل و مش هنخلص

طيب يارجالة أسف ع التدخل للمرة التانيــة بس هما نقطتين تغني عن كـل دهـ :

1_التسجيــل كان ليهـ موعد محدد قبلها بيومين كاملين يعني دهـ غلطتكـ انت انكـ مجتش في الوقت او خليت حد يسجلكـ ياكيمو
2_كدهـ كدهـ وبطولة الدوري شغالة ان شاء الله هيبدأ التسجل في بطولة ودية رسميـة فتتعوض فيهـا ان شاء الله ودي مش اول ولا اخر بطولة عادي يعني ولو تدخل مكانــي شخصـيا انا موافق والله بتكلمـ جــد عادي

رغم ان مقتنع انى ليا حق فى المشاركه بوعد سابق من اللجنه وكمان ان موضوع تسجيل مينفعش يكون ساعتين فقط

وكمان فى ناس مشاركتها قليله جدا موجوده فى الدورى واللى هو المفروض يكون اللى مسجل اقل حاجه 50 مشاركه ودا كان بند اساسى فى الاشتراك بس مش فاهم ايه اللى حصل

بس عموما كل اللى هاقوله بس احنا فى فتره انتقاليه جديده بالمنتدى ومش حابب اننا نبدءها باى مشاكل او خلاف باى شكل من الاشكال

عموما البطولات جاي كتير هو الدورى اه ليه متعته الخاصه وخصوصا فى بيس 6 ستارز

بس مش هتفرق المهم اننا نكمل بعض عشان نقدر نرجع احسن من الاول

بالتوفيق للجميع

انا اغلقت الموضوع عشان مش واحد زي نادال يدخل يحط رد عشوائي وكمان الكل قال اللي عندو فاغلقتو عشان اللجنه تقول حكمها مش اكتر

الجميع يعلم ان لنا الحق في اللعب الا اللجنة المنظمه

عموما بالتوفيق للجميع

مغلق

» بخصوص التسجيل في الدوري
» استئناف نتائج مباريات الدوري
» عاااجل : معاد بدء الدوري العام + نظام الدوري + توضيحات هامة جدا
» انا عاوز اطقم الدوري المصري والشعارات بتاعت الدوري المصري لبيس2010 على الميديا فاير
» قـــدم بـيـنــجـك