بيان إدارى " عاجل "

حدثت فى الآونة الأخيرة بعض المشاكل بين لاعبى بيس6 ستارز وجروب GIANTS OF PES6

مثل تبادل العبارات الاستفزازية .. والاتهام بعدم شرعية اللعب كلا للاخر وهكذا :-

..........

وفى محادثة منى مع أدمن جروب الجاينتس .. حدث التالى :-

رسالة منى اليه " احترام وحديث حضارى "

انا مستغرب بجد انتوا ليه بتعملوا كده ؟

اولا : انا ادمن بيس6 ستارز !!!

طيب عمرنا شتمناكوا ؟
عمرنا عملنا عليكوا فيديوهات ؟
محترمناش حد فيكوا ؟

طيب انتوا فعلا رياضيين ؟ .. لو كنتوا رياضيين كنتوا عرفتوا ان مفيش حد فى الدنيا دى كلها بيكسب علطول ولا بيخسر علطول !!

بتقولوا اننا بنطط عليكوا ؟ .. طب ازاى وامتى ؟

انا عن نفسى واحد من الناس اللى بتعشق جروبات بيس6

الجاينتس .. والروك يو .. وبيس6 ستارز .. وباقى الناس المحترمة اللى بتلعب عشان تتمتع .

والدليل ان ناشر فى الموقع بتاعنا فيديو لبيس6 باتس وبوصفهم بالعمالقة !! عارفين ليه ؟ .. لانى لعبت معاهم فعلا ناس محترمة .. زيكوا بالظبط

طيب منا عندى صور لهزائمكم .. ليه مش جبتها هنا ؟

لانى ببادر بالخير .. والحكاية مش عناد وخلاص .. دى متعة وكلنا اخواة سواء فى التحدى او اللعب !!

ونفترض مثلا يا سيدى اننا احنا الجروب الوحيد اللى بيكسب علطول .. او انتوا اللى بتكسبوا علطول !! طيب فين المتعة فى كده ؟

ارجو منكم من يحدثنى باسلوب حضارى واخوى .. ويقوللى اذا كان حد من عندنا اهان حد فيكوا ؟ او العكس

من أدمن بيس6 ستارز

" مبادرة خير "

جاء رده لى لى قائلا :

السلام عليكم
أولاً واضح إن حضرتك من الناس المحترمين "القليلين" في الجروب بتاعكم
بس حابب أوضح حاجه إن لكل فعل رد فعل و إن إحنا مش هنفتري عليكوا كدة بدون أسباب

لكن مثلاً عندك واحد إسمه زيزو مش عارف إيه كدة ده قبل كدة شتمني بأمي و شتم الجروب من غير ما حد يعمله أي حاجه و فضل يطلع علينا سمعه مش تمام و تقدر تسأل الباتس ذات نفسهم على زيزو ده و شوف هيقولولك إيه

كل ما بنيجي نكبر دماغنا من أي جروب و نلعب مع نفسنا بس نلاقي حد من جروبكوا يجي يستفزنا و يقولنا نوبس و شيترز و بتاع ، و زي ما قولتلك فـ الأول لكل فعل رد فعل فا مينفعش يكون واحد من عندكوا جي يستفزنا و يشتم فينا من غير أي سبب لمجرد إننا مش بنحب نلعب مع حد بره الجروب و بنحب نلعب مع بعضينا يقوم شاتمنا و منتظر مننا نسكت !!

ناس من عندكوا كل ما تيجي تكسب ماتش لحد من عندنا يروحوا يعملوا فرح و حفله في السيرفر و يقولوا نوبس و بتاع رغم إن إنتوا اكتر جروب ليه برنتات عندنا و حبينا نرد على الكلام ده بفيديو

قبل كدة وصلتلكوا رساله عن طريق واحد إن بعد كدة كل جروب مننا يكون في حاله و محدش يتكلم عن التاني و إتفقنا على كدة ، مفيش إسبوع أخش السيرفر ألاقي 3 ولا 4 منكم داخلين يشتموا فيا و في واحد صاحبي في الجروب علشان كانوا عاوزين يلاعبونا ملتي و قولنالهم معلش مش فاضيين "وده حقنا نلاعب اللي نلاعبه و منلاعبش اللي منلاعبهمش" و راحوا نازلين فينا شتايم

و كمان بكل صراحه اللي مبوظ سمعتكوا هو زيزو ده و كام واحد كدة عاملين زيه بالظبط ، لكن طبعاً أنا عارف و متأكد إن فيه ناس كتير منكم محترمين زيك كدة بالظبط لكن المشكله إن السيئه بتعم

و آخر حاجه إن كل فتره لما بتلاقونا نبطل ننزل عليكوا برنتات أو أي حاجه بنلاقي كام واحد منكوا كدة يدخل على جروبات في الفيس أو في شات الجيم فـ السيرفر يعني و يفضلوا يتكلموا كلام ملهوش لازمه و يشتموا فينا "من ورا ضهرنا" و دي حركه مش تمام برده

و لو مش مصدق أي حاجه من الحاجات اللي قولتهالك دي إسال الناس القديمه بتاعت الباتس أو إسأل أنيلكا إيجي لو ليكوا تعامل معاه يعني و إنتوا تعرفوا إني مش بكدب

و مستعد اجبلك برنت لشات بيني و بين أنيلكا و هو بيقول إن إنتوا فعلاً فيكوا ناس كتير مستفزه و بتحاول تبوظ سمعة الجروبات التانيه

و فـ الأول و الآخر دي برده لعبه للمتعه و بما إنك ادمن للجروب هناك يبقى أنا ببدأ معاك من دلوقتي إن محدش يتكلم عن التاني لا قدامه ولا من وراه و لو حصل غير كدة من ناحيتنا تيجي تكلمني أنا و تقولي حصل كزا كزا كزا من واحد من عندكوا إسمه كزا كزا و أنا هجبلك حقك ، و العكس كذلك برده و ده رابط الفيس بتاعي علشان لو حصل أي حاجه من دي تقولي بس

وكان ردى عليه :-

تمام

هو ده قصدى بالظبط

بس زيزو من الناس المحترمة جدا جدا .. وهو مؤسس بيس6 ستارز .. واكيد حصل حاجة تجعل زيزو يقوم باى ردة فعل سلبية تجاه اى من لاعبيكم .. ولكن من الان سوف يتم التعامل بصيغة الاحترام بيننا .. وايضا

ان لما حد يعمل حاجة سواء من عندكوا او من عندنا نجيب دليل لكلامنا .. وانا عن نفسى هعاقب اى حد من عندنا يعمل اى حاجة خارجة عن نطاق الأدب واللعب النظيف

وعايز الاعبك بقى ماتش محبة يا حبى ^_^

.... وعلى ذلك تقرر التالى ....

غير مسموح لأى لاعب ينتمى لبيس6 ستارز أن يوجه أى مناقشة مستفزة او غير لائقة لأى لاعب على السيرفر " نظرا لان هذا يضر بسمعتنا جميعا "

وغير مسموح لأى لاعب من بيس6 ستارز ان يدخل اى تحدى باسم بيس6 ستارز مع اى لاعب او جروب بدون اذن مسبق من الادارة

والرجاء من اللاعبين تحسين سمعة بيس6 ستارز التى تعبنا كثيرا لكى نبنيها معا " وذلك بالمعاملة الجيدة مهما اساء اليك احدهم " فبذلك ستكسبه صديقا لك فى النهاية عندما يرى هذا الكم من الاخلاق والتهذيب داخلك

ومن يخالف ذلك سيتم طرده نهائيا وبلا رجعة من قبل مجلس الادارة

مليش علاقة... أنا ألعب من أجل المتعة و لا آبه بالنتيجة ... فكل يوم أريد أن أتعلم شيئا جديدا من بيس 6 .... هما جروب و احنا جروب يعني راح نحترمهم لأنهم يلعبون نفساللعة التي نعشقها وهذا من أجل الروح الرياضية

جميل يا ماكس الحل الوحيد للمشاكل يكون عن طريق الحوار لانو اسلوب حضاري وانا اصلا دايما العب مع عناصر الgiants وشفت انهم محترمين جدا لاني مشارك في دورة في الفيس معاهم باستثناء بعض الاعضاء وبتاءا علي هذا لازم يتم التعامل معهم مثل مادكرت لانهم محترمين

حلو اوي الكلام دا ياماكس وفعلن كان لازم يكون في حد للحوار دا علشان الموضوع ميتقلبش بخناقه وشتايم علشان لعبه

بس المهم انتا عملت ايه معاه ؟؟ كسبتو وللا ايه يا وهدااااااااااااااااااااااان

klam gmil